Paul GERVAIS per kompleta nomo François Louis Paul Gervaise (26a de Septembro 1816 – 10a de Februaro 1879) estis franca paleontologo kaj entomologo. La bekobaleno de Gervais (Mesoplodon europaeus) estas nomita laŭ li.
En 1835 li komencis paleontologian esploradon kiel helpanto en la laboratorio de kompara anatomio en la Nacia Muzeo de Natura Historio de Parizo. En 1841 li atingis la katedron de zoologio kaj kompara anatomio en la Fakultato de Sciencoj en Montpellier. En 1848-1852 aperis lia grava verko Zoologie et paléontologie françaises, suplementa al la paleontologiaj publikaĵoj de Georges Cuvier kaj de Henri Marie Ducrotay de Blainville. En 1865 li iĝis profesoro de zoologio en la Sorbono.